သံချောင်း grade (or Yield Strength) ဘယ်လောက်သုံးခိုင်းထာားလဲ

အဆောက်အဦတစ်ခုကို Structure Design တွက်ချက်မှုတွေနဲ့ဆောက်တဲ့အခါမှပေါ့။ တော်တော်များများကပေါ့ သံချောင်းဆိုဒ်ဘယ်နှယ်လုံးသုံးထားတယ်။ ဘယ်ဆိုဒ်သုံးထားတယ်ဆိုတာကိုပဲ အာရုံစိုက်ကြလေ့ရှိပါတယ်။
Designer က သံချောင်း grade (or Yield Strength) ဘယ်လောက်ကို သုံးထားခိုင်းသလဲဆိုတာကိုတော့ သတိလက်လွတ်ဖြစ်တတ်ကြပါတယ်။
နောက် concrete ဆိုလည်း Concrete grade ဘယ်လောက်သုံးခိုင်းသလဲဆိုတာထက် ထိုင်းဆင်တွေ၊ Crown တွေ၊ AAA တွေစသဖြင့် ဘိလပ်မြေတံဆိပ်တွေပေါ်ပဲ အာရုံရောက်နေတတ်ပါတယ်။ Concrete အကြောင်းကတော့ ရေးဖူးပြီးသားဆိုတော့ Steel အကြောင်းပဲ ဆက်ပြောချင်ပါတယ်။
အထပ်မြင့်အဆောက်အဦတွေဖြစ်လာရင် Steel နဲ့ Concrete ကို grade မြှင့်သုံးမှ အဆင်ပြေမယ့်အနေအထားတွေ ရှိပါတယ်။ အဲ့ဒါကြောင့် ကိုယ်သုံးနေကြ grade တွေ Market က အလွယ်တကူရတဲ့ Steel တွေသုံးနေတဲ့အလေ့အထကနေ Designer နဲ့တိုင်ပင်ပြီး သူပေးတဲ့ grade အတိုင်းသုံးရပါမယ်။ ဒါမှသာ တွက်တာနဲ့ ဆောက်တာနဲ့ တူညီတဲ့ grade တွေဖြစ်ပြီး တွက်ချက်ထားတဲ့အတိုင်း ခိုင်ခံ့မှုရရှိမှာ ဖြစ်ပါတယ်။
ဒီမှာ Market မှာ ဝင်တာက အများစုက china တွေပဲဖြစ်မယ်ထင်ပါတယ်။ အဲ့ဒီမှာ သူတို့က HRB400, HRB460, HRB500 စသဖြင့် Grade ကိုဖော်ပြထားကြပါတယ်။ သံအစည်းတွေမှာ ပုံမှာပြထားတဲ့ Label card လေးတွေပါလာပါတယ်။ တချို့လည်း ဆိုင်တွေက လက်လီပြန်ဖြန့်တော့ ပါမလာတော့ တွေ့ဖူးချင်မှ တွေ့ဖူးပါမယ်။ (ဘာမှမပြောဘဲဝယ်ရင်တော့ HRB400 တွေပဲဖြစ်ပါမယ်။ သူက Market မှာအသုံးအများဆုံးဖြစ်ပါတယ်။)
အဲ့ဒီမှာ HRB400 က Yield strength 400MPa, HRB460 က Yield strength 460MPa, HRB500 က Yield strength 500MPa စသဖြင့်ရှိပါတယ်လို့ ဆိုလိုပါတယ်။ 1MPa ဟာ 145.04 Psi နဲ့ ညီမျှပါတယ်။
(Grade တွေကတော့ ပြည့်တာများပါတယ်။ ဆိုဒ်(Diameter) တွေကတော့ တံဆိပ်မျိုးစုံ နဲတာနဲ့ များတာပဲကွာမယ်။ အကုန်လျော့မယ်ထင်ပါတယ် smile emoticon )
အဲ့ဒီမှာမှ HRB400E, HRB500E ဆိုပြီးတော့လည်းရှိပါသေးတယ်။ E က Earthquake ကိုဆိုလိုတာလို့ Internet မှာရှာဖတ်ကြည့်တော့ သိရပါတယ်။
ဒီ China Standard တွေနဲ့ပတ်သက်လို့ ကျွန်တော်လည်း သိပ်မသိပါဘူး။ ဒါတွနဲ့ပတ်သက်လို့ သိထားတာရှိရင်လည်း ဝေမျှပေးကြပါဦး။
(ဗိုလ်ဗိုလ်ကျော်)

Read More