တံတားတည်ဆောက်မှုအတတ်ပညာ(၅)

ဘေလီတံတား

ဒုတိယကမ္ဘာစစ်ကာလ ဗြိတိသျှစစ်ရုံးတွင် အမှုထမ်းစဉ်ကာလမှာ Mr.Donald Bailey ဟာ ဆန်းသစ်တဲ့တံတားအသစ်တည်ဆောက်ဖို့ စိတ်ကူးရခဲ့တယ်။ သူ့ရဲ့ဒီဇိုင်းက မော်ဂျူလာပုံစံနဲ့ ပေါ့ပါး၍ ခိုင်မာပြီး ဖြုတ်လို့တပ်လို့ရသော အလွန်အသုံးဝင်သော သံပေါင်တံတားဖြစ်လို့ စစ်ကာလမှာ အကြီးမားဆုံး တီထွင်မှုတစ်ခုဖြစ်ခဲ့ပါတယ်။ မဟာမိတ်တွေရဲ့ အောင်မြင်မှုတွင် ထူးခြားသောအစိတ်အပိုင်းအဖြစ် အဓိကကျခဲ့ပါတယ်။
မစ္စတာဘေလီဟာ သူ့ရဲ့စိတ်ကူးကို အထက်ကို တင်ပြခဲ့တယ်။ အင်္ဂလိပ်အစိုးရအနေနဲ့ သူ့ရဲ့ ဆန်းသစ်တဲ့တံတားပုံစံကို အောင်မြင်စွာ စမ်းသပ်နိုင်ခဲ့တယ်။ ဘေလီတံတားကို ၁၉၄၁ထဲမှ အဆင့်မြင့်စစ်သုံးတံတားအဖြစ် အသုံးပြုခဲ့ပြီး ဥရောပတစ်ခွင်မှာ ကျယ်ကျယ်ပြန့်ပြန့်ကို အသုံးပြုခဲ့ကြပါတယ်။ ဒုတိယကမ္ဘာစစ်အတွင်းမှာ ဘေလီတံတား အစင်း ၂၀၀၀ လောက်တည်ဆောက်ခဲ့ပြီး အနောက်မြောက်ဥရောပတစ်ခုတည်းပင်လျှင် ဘေလီတံတားပေါင်း ၁၅၀၀ကျော် တည်ဆောက်ပေးခဲ့ပါတယ်။ဗြိတိသျှစစ်တပ်ဟာ နောက်(၄)နှစ်အတွင်း အာဖရိက မြောက်ပိုင်းမှာ ဘေလီ panel ပေါင်း တစ်သန်းထုတ်လုပ်ခဲ့တယ်။
မစ္စတာဒေါ်နယ်ဘေလီဟာ ၁၉၄၃ ခုနှစ်မှာ OBE ဘွဲ့ချီးမြှင့်ခြင်းခံရပြီး ၁၉၄၆ ခုနှစ်တွင် သူ့ရဲ့ ထူးချွန်စွာ ဆောင်ရွက်နိုင်မှုများကြောင့် ဆာ ဘွဲ့ ချီးမြှင့်ခြင်းခံရတယ်။

ဘေလီတံတားတစ်ခု၏အခေါ်အဝေါ်များမှာ အောက်ပါအတိုင်းဖြစ်ပါသည်။

ဘေလီတံတားများကို Single Lane , Extra wide နှင့် Double lane ၃မျိုးဆောင်ရွက်နိုင် ပါသည်။

ဘေလီတံတားများ၏ အရွယ်အစားမှာ အောက်ပါအတိုင်းဖြစ်ပါသည်။

ဘေလီ Panel များကိုမူတည်၍ တစ်လွှာတစ်ထပ်ဘေလီ၊ နှစ်လွှာတစ်ထပ်ဘေလီ၊ သုံးလွှာတစ်ထပ်ဘေလီ၊ နှစ်လွှာနှစ်ထပ်ဘေလီ၊ သုံးလွှာနှစ်ထပ်ဘေလီ ၊ သုံးလွှာသုံးထပ် အစရှိသည်ဖြင့် ခံနိုင်ရည်လိုအပ်သော ၀န်တန်ချိန်အလိုက် တံတားများကို တည်ဆောက် ကြပါသည်။
        SS    =      Single Single
        SSR  =      Single  Single Reinforcement
        DS    =      Double Single
        DSR  =      Double Single Reinforcement
        TS    =      Triple Single
        TD    =      Triple Double
        TT    =      Triple Triple စသည်ဖြင့် မျိုးစုံတည်ဆောက်နိုင်ပါသည်။

ဘေလီတံတား၏ခံနိုင်ရည်ဝန်လည်း တံတား၏ Panel အလွှာ အထပ်ပေါ်မူတည်၍ ခံနိုင်ရည်တိုးသွားပါသည်။

အထက်ပါခံနိုင်ဝန်သည် ပြီးပြည့်စုံအောင် တပ်ဆင်ထားသော ဘေလီတံတား တစ်စင်းအတွက် ခံနိုင်ဝန်ဖြစ်ပါသည်။ သို့သော် မြန်မာနိုင်ငံတွင် လက်ရှိဘေလီတံတားများမှာ Top Chord မရှိခြင်း Sway Brace မရှိခြင်း အစရှိသည်ဖြင့် လိုအပ်ချက်များရှိရာ အထက်ဇယားပါ ခံနိုင်ဝန်၏ ၆၀% လောက်သာ Max Loading ယူသင့်ပါသည်။

Credit - https://www.facebook.com/notes/md-kyawlinn/%E1%80%90%E1%80%B6%E1%80%90%E1%80%AC%E1%80%B8%E1%80%90%E1%80%8A%E1%80%B9%E1%80%B1%E1%80%86%E1%80%AC%E1%80%80%E1%80%B9%E1%80%99%E1%82%88%E1%80%A1%E1%80%90%E1%80%90%E1%80%B9%E1%80%95%E1%80%8A%E1%80%AC%E1%81%85/263064553901432