အခြေခံ-ယူနစ်များ

-->
                  ရူပဗေဒ ဘာသာရပ်မှာ  တိုင်းတာခြင်းဆိုတာ အခြေခံတခုပါပဲ ။  တိုင်းတာခြင်းဆိုတာ
တကယ်တော့ နှိုင်းယှဉ်ခြင်းတမျိုး  ဖြစ်ပါတယ်။ တခုနှင့်တခု နှိုင်းယှဉ်ဖေါ်ပြရာမှာ စံနှုန်းသတ်မှတ်ချက်
ဆိုတာ ရှိပါတယ် ။သတ်မှတ်ထားတဲ့ စံနှုန်းကို  ယူနစ်( unit) ဟုဆိုကြပါတယ်။  ရူပဗေဒဘာသာရပ်မှာ
အခြေခံအကျဆုံး တိုင်းတာခြင်းယူနစ်  (၃)သုံးမျိုးရှိပါတယ် ။အလျားတိုင်းတာခြင်း ၊ဒြပ်ထုတိုင်းတာခြင်း
၊အချိန်တိုင်းတာခြင်းတို့ ဖြစ်ပါတယ် ။ ရူပဗေဒသိပ္ပံမှာ  တိုင်းတာခြင်းနည်းစနစ်  ၃မျိူး ရှိပါတယ် ။
(၁)အင်္ဂလိပ်တိုင်းတာခြင်းနည်းစနစ်     FPS  System
(၂)ပြင်သစ် တိုင်းတာခြင်းနည်းစနစ်     CGS   System
(၃)နိုင်ငံတကာသုံး တိုင်းတာခြင်းစနစ်   MKS ( SI ) system
               အလျားတိုင်းတာခြင်းဆိုတာ အားလုံးသိပြီးသားဖြစ်ပါတယ်။စာသံပေသံနဲ့  ပြောရရင်တော့
အမှတ်နှစ်ခုကြားတွင်ရှိသော အကွားအဝေးဟု  အဓိပ္ပါယ်ရပါတယ် ။ နိုင်ငံနှင့် လူမျိုးအလိုက်   အလျား
တိုင်းတာခြင်း ဓလေ့ထုံးတမ်း အစဉ်လာတွေတော့ မတူညီကြပါဘူး ။မြန်မာ့အလျားတိုင်းတာခြင်း (၁၂)
မျိုး အလင်္ကာကို  တင်ပြပါအုံးမယ် ။
1.    ၁၀-ဆံခြည်မျှင် တစ်နှမ်း၊
2.    ၆-နှမ်း တစ်မုယော၊
3.    ၄-မုယော တစ်လက်သစ်၊
4.    ၈ လက်သစ် တစ်မိုက်၊
5.    ၃-မိုက် တစ်တောင်၊
6.    ၄-တောင် တစ်လံ၊
7.    ၇-တောင် တစ်တာ၊
8.    ၂၀-တာ တစ်ဥသဘ၊
9.    ၂၀-ဥသဘ တစ်ကောသ၊
10. ၄-ကောသ တစ်ဂါဝုတ်၊
11. ၄-ဂါဝုတ် တစ်ယူဇနာ၊
12. တာ(၁၀၀၀)တစ်ထောင် တစ်တိုင်။
တိုင်းတာခြင်းယူနစ်ကို ရှေးမြန်မာလူမျိူးများက   စနစ်တကျအသုံးပြုခဲ့ ကြကြောင်း ခန့် မှန်းနိုင်ပါတယ်။
ဒီနေ့ ခေတ်မှာ  အသုံးမပြုတော့တာကြောင့်  သိသူမရှိသလောက်ပါပဲ။ဒါကြောင့်လဲ  ကြားဖူးနားဝ  ရှေး
လူကြီးတွေ ပြောကြပါတယ်။  မင်းတုန်းမင်းကြီး မန္တလေးနန်းတော်  ဆောက်တော့   ကင်းဝန်မင်းကြီး ၊
တိုင်တားမင်းကြီးတို့   မြန်မာဗိသုကာတွေ ဦးဆောင်ကြတယ်တဲ့ ။ ခုခေတ်လို  ပေကြိုးတွေ မလိုပါဘူး
ခြေလှမ်းအရေတွက်နဲ့ တိုင်းတယ်လို့ ပြောကြပါတယ်။မှန်ချိန်စရာလဲ မလိုပါဘူး  မျက်စိတစ်ဖက်မှိတ်ပြီး
တိုင်းတာပဲလို့    ပြောကြတယ်။  ချိန်သီးတွေလဲ  သုံးစရာမလိုပါဘူး ၊  မင်းချင်းလုလင်  တယောက်ကို 
လေးဘက်ထောက်ခိုင်းပီး  နောက်ကနေ ချိန်သီးအဖြစ်  တိုင်းတယ်လို့ လဲ  ဆိုကြပြန်တယ် ။ နို့ ပေတဲ့ 
နန်းတော်ကြီး  မတိမ်းမစောင်းဘဲ  ခန့် ညားထည်ဝါနေတာ ကြည့်ပါလားတဲ့ဗျာ။တကယ်တော့ ဒီစကား
တွေက  ကိုယ့်လူမျိုးကို ဂုဏ်ယူချင်တဲ့ စိတ်နဲ့ပြောလိုက်ကြတာပဲ ဖြစ်မှာပါ။  ဒါပေမယ့်  လက်တွေ့ ရူ
ထောင့်ကကြည့်ရင်  မြန်မာတွေမှာ တိုင်းတာခြင်းယူနစ် မရှိခဲ့သလို  ဖြစ်သွားပါတယ် ။  မဟုတ်ပါဘူး  ။
အထက်ပါ   တိုင်းတာခြင်း အလင်္ကာကို ကြည့်ြုခင်းအားဖြင့် ကိုယ်ပိုင်   တိုင်းတာခြင်းယူနစ်  အသုံးပြူခဲ့  
ကြတယ်ဆိုတာ ထင်ရှားနေပါတယ်။မြန်မာ့ရိုးရာ နည်းပညာ သူ့ ခေတ်သူ့ အခါမှာ  အဆင့်မနိမ့်ခဲ့ပါဘူး။
     လူတိုင်းသိကြတဲ့   အတိုင်းတာ   အလင်္ကာလည်းရှိပါသေးတယ် ။မြန်မာအားလုံး အသုံးပြုနေဆဲမို့ 
ကြာဖူးပြီးသားပါ ။          ၁၂ လက်မ   - တစ်ပေ
                                ၃   ပေ       -  တစ်ကိုက်
                              ၂၂  ကိုက်    -  တစ်သံကြိုး
                             ၁၀  သံကြိုး   -  တစ်ဖါလုံ
                               ၈   ဖာလုံ   -  တစ်မိုင်   ……………။ယခုတင်ပြလိုက်တဲ့   အတိုင်းတာယူနစ်
များသည်  အင်္ဂလိပ်တို့   ကိုယ်ပိုင်သုံးယူနစ်များ ဖြစ်ကြပါတယ်။ တစ်ပေအတိုင်းတာ ဖြစ်ပေါ်လာပုံက 
ပြင်သစ်ဘုရင်King Louis XIV လူဝီ(၁၄)၏ခြေဖဝါးအရှည်ကို စံနမူနာ တစ်ပေ(foot)အဖြစ်တိုင်းတာဖို့ 
သတ်မှတ်ခဲ့ကြခြင်းဖြစ်ပါတယ်။ တစ်ကိုက်ဆိုတာကတော့ (၁၁၂ဝ)ခုနှစ် အင်္ဂလန်ဘုရင် ၏နှာခေါင်းချွန်
ထိပ်ဖျားနှင့် ရှေ့ သို့ ဆန့် ထုတ်ထားသော လက်ဖျားအစွန်းတို့ ရဲ့   အကွာအဝေးကို  သတ်မှတ်ခဲ့ ခြင်း
ဖြစ်ပါတယ်။ အင်္ဂလိပ်ယူနစ်များကိုတော့   ရူပဗေဒသိပ္ပံမှာ အသုံးပြုကြပါတယ် ။ British System  လို့ 
ခေါ်ပြီး  အတိုကောက်အဖြစ်   FPS  system   ဟု သတ်မှတ်ကြပါတယ်။အင်္ဂလိပ်က  အလျား တစ်ပေ
(foot) ကို  စံယူနစ်အဖြစ် သတ်မှတ်ထားပါတယ် ။
           ပြင်သစ်တိုင်းတာခြင်းယူနစ်ကိုလည်းအားလုံး  သိပြီးသားဖြစ်ပါတယ် ။
             ၁ဝ မီလီမီတာ     -  ၁ စင်တီမီတာ
             ၁ဝ စင်တီမီတာ   -  ၁ ဒက်ဆီမီတာ
             ၁ဝ  ဒက်ဆီမီတာ - ၁ မီတာ ………………………………။
ပြင်သစ်တိုင်းတာခြင်း ယူနစ်မှာ   စင်တီမီတာ ( Centimrter ) ကို စံယူနစ်အဖြစ် သတ်မှတ်ပါ
တယ်။ရူပဗေဒဘာသာရပ်မှာ အတိုကောက် အမည်အနေနဲ့   CGS  system  ဟုခေါ်ဆိုကြပါ
တယ်။ နည်းစနစ်တွေ  အမျိးမျိုးပြောင်းလဲခဲ့ သော်လည်း  ပြင်သစ်တိုင်းတာခြင်း နည်းစနစ်က
ကျစ်လစ်သိပ်သည်း လွယ်ကူကြောင်းကို တွေ့ ရပါတယ် ။အဘယ့်ကြောင့်ဆိုသော်  တိုင်းတာ
တွက်ချက်ရာမှာ ဆယ်လီစိတ်စနစ်နဲ့ သတ်မှတ်ထားခြင်းကြောင့် ဖြစ်ပါတယ် ။တွက်ချက်ရတာ
လွယ်ကူတာကြောင့်  နိုင်ငံတကာ သိပ္ပံပညာရှင်များက  ကမ္ဘာသုံးယူနစ်အဖြစ် သတ်မှတ်ခဲ့ ကြ
ပါတယ်။သို့ သော်   နိုင်ငံတကာသုံးစနစ်ရဲ့ (Internal Syetem) (SI) စံအလျားကို   တစ်မီတာ
အဖြစ်သတ်မှတ်ခဲ့ ကြပါတယ် ။ထို့  ကြောင့်နိုင်ငံတကာသုံး  ယူနစ်ကို MKS System ဟုလည်း
ခေါ်ဆိုကြပါတယ် ။
             ဒြပ်ထုတိုင်းတာခြင်းဆိုတာကတော့   အပြင်လောကမှာ မသုံးပါဘူး ။သိပ္ပံယူနစ်တခု
ဖြစ်ပါတယ်။ ဒါပေမယ့်  အပြင်မှာ တိုင်းတာကြတဲ့  အလေးချိန်ယူနစ်နဲ့   ယူနစ်ချင်းတူပါတယ်။
အင်္ဂလိပ်က အလေးချိန်ကို ပေါင်(Pound)နဲ့ တိုင်းပါတယ်။  အဲတာကြောင့်   FPS System  မှာ
ဒြပ်ထုယူနစ်ကို ပေါင်(Pound)အဖြစ် သတ်မှတ်ပါတယ်။ ပြင်သစ်အသုံးပြုသော CGS System
မှာ   ဒြပ်ထုယူနစ်အဖြစ် ဂရမ်(gram)ကိုသုံးပါတယ်။နိုင်ငံတကာသုံး(SI unit) စနစ်မှာ  ဒြပ်ထု
ယူနစ်ကို  ကီလိုဂရမ် (Kilogram) အဖြစ် သတ်မှတ်ပါတယ်။
ရူပဗေဒသိပ္ပံမှာ  အချိန်၏ယူနစ်ကို  စက္ကန့် ( Second) အဖြစ်သတ်မှတ်ပါတယ်။
အခြေခံတိုင်းတာခြင်း သုံးမျိုးကို   ယူနစ်သုံးမျိုးဖြင့် ရှင်းလင်းအောင် ဖေါ်ပြပါဦးမယ်။
နည်းစနစ်(System)     အလျား(length)             ဒြပ်ထု(Mass)            အချိန် (Time)
……………………………………………………………………………………………………………..
၁။ FPS system          ပေ (foot)                     ပေါင်(pound)           စက္ကန့် (second)
၂။CGS system          စင်တီမီတာ(centimeter)  ဂရမ်(gram)             စက္ကန့် (second)
၃။MKS (SI)system     မီတာ(meter)               ကီလိုဂရမ်(kilogram)  စက္ကန့် (second)
      အလျား ၊ဒြပ်ထု ၊အချိန် စတဲ့ အခြေခံတိုင်းတာခြင်းများကို  ရူပဗေဒ   သင်ကြားဖူးသူတိုင်း
အကျွမ်းတဝင်ရှိပါတယ်။ရူပဗေဒကို နဝမတန်းမှာ အင်္ဂလိပ်ဘာသာနဲ့  စတင်ပြီးသင်ကြားရတာ
ဖြစ်ပါတယ်။ ဒါပေမယ့်  လွန်ခဲ့ တဲ့ (၁၃)နှစ်လောက်က  (၁၉၉၇-၉၈)  ကိုးတန်းကျောင်းသား
တယောက်ရဲ့  အတွေ့ ကြုံလေးကို  ပြောပြချင်လို့ ပါ ။
     အဲဒီကျောင်းသားဟာ  စာသင်ခန်းထဲမှာ နောက်ဆုံးတန်းက  ထိုင်ပါတယ် ။ စာတော်သော
ကျောင်းသားတော့ မဟုတ်ပါဘူး ။   စာကျက်တာကို ပျင်းတတ်တယ်လို့   ဖီးကျူထင်ပါတယ် ။
ရူပဗေဒ ဘာသာကို စတင်သင်ကြားတဲ့ အချိန်မှာ  အလျား ၊ဒြပ်ထု ၊အချိန် စတဲ့  အခြေခံတိုင်း
တာခြင်းများကို သင်ကြားတဲ့ အခါ   ကျောင်းသားအားလုံး နားလည်သဘောပေါက်ကြပါတယ်။
ဒါပေမယ့်   အဲဒီကျောင်းသား  တယောက်ကတော့  နားမလည်ဘူးတဲ့ ဗျာ ။ သူအနေနဲ့  မရှင်း
တာက   ဒြပ်ထု (Mass ) ဆိုတာပါပဲ။အဲလိုနားမလည်တာကြောင့်  အတန်းထဲမှာ စာတော်ဆုံး
ဆိုတဲ့  ထိပ်ဆုံးတန်းက  သူ့ ငယ်ချင်းကို  မေးဖို့ ဆုံးဖြတ်လိုက်ပါတယ်။  “သူငယ်ချင်းရေ ……
ငါတော့ဖြင့်  Mass  ဆိုတာကို  နားမလည်ဘူး ..နဲနဲလောက် ရှင်းပြပေးနိုင်မလားလို့ ”  မေးမိပါ
တယ် ။အဲဒီလို မေးလိုက်တော့  သူငယ်ချင်းဖြစ်သူက  တချက်စိုက်ကြည့်လိုက်ပါတယ်။ ကြည့်
လိုက်တဲ့ အကြည့်ကတော့  ဒီလောက်လေးမှ  မသိဘူးလားကွာ ဆိုတဲ့  ပုံစံနဲ့ ကြည့်တာပါ …။
“ပညာရှာ  ၊ပမာသူဖုန်းစား  ”  ဆိုတဲ့အတိုင်း   သူငယ်ချင်းရေ   ငါနားလည်အောင် ရှင်းပြပေး
ပါကွာလို့   ပြောခဲ့ပါတယ်တဲ့။ ဒီတော့ သူငယ်ချင်းက ပြောပါတယ် ။ Mass ဆိုတာ ဗမာလိုပြန်
ရင်  ဒြပ်ထု( Masss)  ဟုအဓိပ္ပါယ်ရတယ်လို့   ရှင်းပြတယ် ။
“အေး … သူငယ်ချင်း  mass= ဒြပ်ထု ဆိုတာ သိတယ် ။ဒါပေမယ့်  ဒြပ်ဆိုတာကို နားမလည်
တာ ။အဲဒီ အဓိပ္ပါယ်ကို  ရှင်းပြပေးပါလို့ ပြောလိုက်တော့ ”   သူငယ်ချင်း ဖြစ်သူ ခေါင်ရူတ်သွား
ပါတယ် ။ဆရာသင်ပေးတဲ့  ဒြပ်ထုဆိုတာကို  မှတ်ထားလိုက်ရင်ပီးတာပဲ။ ဘာတွေလာမေးနေ
မှန်း  မသိဘူး။ အလုပ်ရူပ်လိုက်တာလို့   သူငယ်ချင်းက ယူဆသွားပုံရပါတယ်။ “ အေးကွာ….
ငါလဲ   သိတော့သိတယ်  အဲလောက်ထိရှင်း  မပြတတ်ဘူး ၊ဆရာ့ဆီကို သွားမေးလိုက်ပါ ငါလဲ
တခြားအရေးကြီးတဲ့စာတွေ  ကျက်ရအုံးမယ်ဆိုပြီး” ထွက်သွားပါတော့တယ် ။    အဲဒီတော့  
မောင်ကျောင်းသားခမျာ သူသိချင်တဲ့  အဖြေက်ိုမရတဲ့ အပြင် အရေးမကြီးတာကို အလုပ်ရူပ်
မေးတယ်လို့ ထင်ခံလိုက်ရတာပဲ  အဖတ်တင်ပါတော့တယ် ။သူ့ စိတ်ထဲမှာ  ဒြပ်ထုဆိုတာကို 
နားမလည်နိုင်တာကြောင့်  ဆရာ့ကို မေးဖို့ ဆုံးဖြတ်လိုက်ပါတယ်။တကယ်တော့ သူနားမလည်
တဲ့ ဒြပ်ထုဆိုတာ  ကျောင်းသားအားလုံးသိပြီးသားပါ။ စာသင်ခန်းထဲရောက်တော့ “ဆရာ…..
Mass  ဆိုတာ ဘာလဲ  ..ကျွန်တော်  နားမလည်လို့ ပါ … ရှင်းပြပေးပါ  လို့ ”ပြောလိုက်တော့
အခန်းထဲက ကျောင်သား/သူ အားလုံး  ပြုံးစိစိဖြစ်သွားကြပါတယ် ။ဟုတ်သားဘဲဗျာ …ဒြပ်ထု
ကို   ဒြပ်ထုလို့ မှတ်ထားလိုက်ရင်ပြီးတာပဲ။  အဲတာကို  နားမလည်ဘူးမေးတော့  ဝိုင်းရီကြတာ
ဘာဆန်းတာမှတ်လို့  ။ ဒါပေမယ့် ဆရာက ရှင်းပြပါတယ် ။
“ဆရာ့အနေနဲ့   ရှင်းပြရရင်  Mass ဆိုတာ  ဒြပ်ထုလို့   အမည်ရပါတယ် ။ဒြပ်ထုဆိုတာကို 
အဓိပ္ပါယ်ဖွင့်ဆိုရင် - ဒြပ်သားများ  ပါဝင်ဖွဲ့ စည်းထားသော အရာဝထ္ထု (သို့ )အမှုန်တခုကို
ဒြပ်ထု လို့  ခေါ်တယ် ” အဲလို ရှင်းပြလိုက်တော့  မောင်ကျောင်းသားက  ထပ်မေးပါတယ် ..။
“’ဒီလိုဆိုရင်   အလေးချိန်တိုင်းတာ  ယူနစ်နဲ့  ၊  ဒြပ်ထုတိုင်းတာယူနစ်တူနေတာကို  တွေ့ ရပါ
တယ် ။ အဲတာကြောင့်  အလေးချိန်နဲ့   ဒြပ်ထု …အတူတူပဲလား   ဆရာ”လို့   မေးပါတယ် …။
ဆရာကထပ်ရှင်းတာတော့ “အလေးချိန်က  ဗက်တာ(Vector) ဖြစ်ပြီး ၊ ဒြပ်ထုက  (Scalar )
စကေလာ ဖြစ်တာကြောင့်  ယူနစ်ချင်းတူပေမယ့် အလေးချိန်နဲ့ ဒြပ်ထု မတူပါဘူး ။နောက်ထပ်
ရူပဗေဒဘာသာရပ်မှာ  အလေးချိန်   ( weight )ကို  အဓိပ္ပါယ်ဖွင့်ဆိုတာက - ကမ္ဘာမြေ ကြီး၏
ဆွဲအားကြောင့်  ဝထ္ထုတခုပေါ်မှာ   သက်ရောက်နေတဲ့  အား  ကို  ၊  အဲဒီဝထ္ထုရဲ့  အလေးချိန်ဟု
သတ်မှတ်ထားခြင်းဖြစ်တယ်” ( မှတ်ချက် -ရူပဗေဒဘာသာရပ်တွင်  ပမာဏသာရှိသော အရာ
ကို ( scalar ) စကေလာ  ၊  ပမာဏနှင့် လားရာဦးတည်ဘက် နှစ်မျိုးရှိသော အရာကို Vector
ဗက်တာ ဟု  သတ်မှတ်ထားပါတယ် ။)
         ဆရာကစိတ်ရှည်လက်ရှည်  ရှင်းပြလိုက်တော့မှ  အဲဒီကျောင်းသား  နားလည်သလိုလို
ဖြစ်သွားပါတယ် ။ဒါပေမယ့်  စိတ်ထဲမှာတော့  ဘဝင်မကျနိုင်သေးပါဘူး ။ နောက်ထပ်မေးချင်
ပေမယ့် ။မမေးတော့ပါဘူး ။ဘာကြောင့်လဲ ဆိုတေ့ာ  ဒါ့ထက်ပိုပြီး  ဘယ်ဆရာကမှ  ရှင်းပြနိုင်
မှာ   မဟုတ်တော့ဘူးလို့  ထင်မိလို့ပါဘဲ ။သူစဉ်းစားမိတာက ဒီလိုပါ ။   အလေးချိန်နဲ့ ဒြပ်ထု
မတူဘူးဆိုပေမယ့် ။ အလေးချိန်ကို   ပေါင်(သို့ )ဂရမ်(သို့ )ကီလိုဂရမ်  ဖြင့်တ်ိုင်းကြတယ် ။ပြီး
တော့   ဒြပ်ထုကိုလည်း  ပေါင်(သို့ )ဂရမ်(သို့ )ကီလိုဂရမ်  ဖြင့်တိုင်းတယ်။   ဆရာရှင်းပြလိုက်
တော့  နည်းနည်းနားလည်သလိုတော့ဖြစ်လာတယ်။ ဒါပေမယ့်  ရူပဗေဒ   ပုစ္ဆာတွေတွက်ချက်
ရာမှာ  ပေးထားချက် given ကိုယူတဲ့ အခါ  kg (ကီလိုဂရမ်)တွေ့ ရင်  M (mass)ဟုသတ်မှတ်
ပြောဆိုနေကြခြင်းပါပဲ ။ တကယ်လို့    ပေးထားတဲ့  ကီလိုဂရမ်ဟာ   အလေးချိန် (weight)
ဖြစ်နေရင် ဘယ်လိုလုပ်မလဲ ဆိုတဲ့…မေးခွန်းကို  စိတ်ထဲမှာ  ဘဝင်မကျနိုင်ဘဲ ရှိနေခဲ့တယ်။
         ဒါပေမယ့်  တစ်ရက်မှာ  နယူတန်ရဲ့   သီအိုရီညီမျှခြင်းတခုကို   သတိထားမိတယ် ။အဲဒီ
ညီမျှခြင်းတခုကို  ဖြေရှင်းစဉ်းစားမိရာကနေ   အလေးချိန်နဲ့    ဒြပ်ထုဆိုတာကို   ကွဲကွဲပြားပြား
သိလာခဲ့တယ် ။နယူတန်ရဲ့    ညီမျှခြင်းက     အလေးချိန်နဲ့   ဒြပ်ထုတို့ ရဲ့   ဆက်သွယ်
ချက်တခုဖြစ်ပါတယ် ။         Mass = weight  / acceleration due to gravity
                                    ဒြပ်ထု = အလေးချိန်  /ကမ္ဘာ့ ဒြပ်ဆွဲရှိန် ကိန်းသေ
           ဆိုလိုတဲ့  အဓိပ္ပါယ်ကတော့ အရာဝထ္ထုတခု၏အလေးချိန်ကို   ကမ္ဘာ့ မြေဆွဲအရှိန်ဖြင့်
စား ၍ရသော  ရလဒ်သည်  ဒြပ်ထုဖြစ်ပါတယ်။ ကဲဒီတော့ ….သူဘယ်လို  စဉ်စားတယ်ဆိုတာ
ဖီးကျူ  ပြောပြမယ် ။ဒီလိုဗျ………..    အလေးချိန်(weight)   ၁ဝကီလိုဂရမ်ရှိတဲ့  ဝထ္ထုတခုကို
ယူလိုက်မယ် ။ပြီးတော့   အထက်က နယူတန်ရဲ့  

ညီမျှခြင်းမှာ   အစာသွင်းတွက်ကြည့်တယ်။
( ကမ္ဘာဒြပ်ဆွဲရှိန်   ကိန်းသေတန်ဖိုးကို SI System မှာ  g= 10 ms-2      နဲ့ တွက်ရမှာ ဖြစ်ပါတယ်။)
ခပ်လွယ်လွယ်ပြောရရင်  အလေးချိန်ကို  ၁ဝနှင့်  စားလို့ ရတဲ့  ရလဒ်တန်ဖိုးဟာ  အဲဒီဝထ္ထုရဲ့ 
ဒြပ်ထုပါပဲ ။အလေးချိန်   ၁ဝ ကီလိုဂရမ်ရှိတဲ့  ဝထ္ထုဆိုတော့ …..ဒြပ်ထုဟာ   ၁ ကီလိုဂရမ်
ရှိရမှာဖြစ်ပါတယ် ။အဲတော့   ဒီလို ကောက်ချက်ချနိုင်တယ်။ ဝထ္ထုတခု၏  ဒြပ်ထုဆိုတာ   အဲဒီ
ဝထ္ထု၏  အလေးချိန်ရဲ့   ဆယ်ပုံ  တစ်ပုံဖြစ်တယ် ။( SI  system)
            ဒီလိုတွက်ချက်ကြည့်တာနဲ့ တင်   အားမရနိုင်သေးဘူးတဲ့ ဗျာ ။နောက်တမျိးကြံစည်
စဉ်းစားကြည့်လိုက်သေးတယ် ။ w=mg   ညီမျှခြင်းမှာ   g=10ms-2ဆိ်ုတာ  ကမ္ဘာ့ ဒြပ်ဆွဲရှိန်
ဖြစ်တာကြောင့်  တကယ်လို့ များ   အဲဒီ ၁ဝကီလိုဂရမ်ရှိတဲ့  ဝထ္ထုကို   လကမ္ဘာပေါ်မှာ  တိုင်း
တာချိန်ကြည့်ရင်ရော  ဘယ်လိုဖြစ်မလဲ ဆိုတာပါဘဲ။ လကမ္ဘာသည်  ကမ္ဘာထက် ငယ်ပါတယ်
အဲတာကြောင့်    ကမ္ဘာ့ ဆွဲအားထက်ငယ်တာမို့   အလေးချိန်ကတော့    သေချာပေါက်လျော့
နည်းနေမှာ  ဖြစ်ပါတယ်။ ဆိုလိုတာက  အလေးချိန် ၁ဝကီလိုဂရမ်ရှိတဲ့  ဝထ္ထုကို  လကမ္ဘာပေါ်
မှာ  တိုင်းတာချိန်ကြည့်ရင်    ၁ဝ ကီလို ဂရမ်   မရှိနိုင်တော့ပါဘူး ။ အလေးချိန်ဆိုတာ  နေရာ
ဒေသပေါ်မှာ   မူတည်ပြီးတော့   ပြောင်းလဲ သွားတယ်လို့   ဆိုလိုချင်တာပါ ။ပရိတ်သတ် …..
သဘောပေါက်မယ်ထင်ပါတယ်…… ။
            အလေးချိန် ၁ဝ ကီလိုဂရမ်ရှိတဲ့ ဝထ္ထ္ထုကို  လကမ္ဘာပေါ်မှာ  ချိန်ကြည့်ရင်  လျော့နည်း
နေမယ်။  အဲဒီလကမ္ဘာပေါ်မှာ  ချိန်လို့ ရတဲ့  အလေးချိန်ကို    m=w/g  ညီမျှခြင်းမှာ   အစား
သွင်းကြည့်မယ်။ ဒါပေမယ့်  g=10ms-2ဆိုတာ  ကမ္ဘာ့ ဒြပ်ဆွဲရှိန်   ကိန်းသေ   ဖြစ်နေပါတယ်။
လကမ္ဘာပေါ်မှာ  အဲဒီတန်ဖိုးနဲ့ တွက်လို့ မရပါဘူး။လကမ္ဘာ၏ဒြပ်ဆွဲရှိန်တန်ဖိုးကို တွက်ချက်ယူ
ပြီးမှ  g နေရာမှာ  အစားသွင်းရမှပါ ။လပေါ်မှာ  တိုင်းတာလို့ ရတဲ့  အလေးချိန်ကို  လ၏ဆွဲရှိန်
ကိန်းသေတန်ဖိုး  တခုနဲ့ စားရင်  ဒြပ်ထုဆိုတာရမှာပါပဲ ။အဲဒီ   ရလာမည့်  ဒြပ်ထု တန်ဖိုးဟာ
ကမ္ဘာပေါ်မှာ   တွက်ချက်ယူခဲ့ တဲ့  အဖြေနဲ့  တူညီနေတာကိုတွေ့ လိမ့်မယ်လို့  ယူဆမိတယ်။
ဆိုလိုတာက   အလေးချိန်  ၁ဝ ကီလိုဂရမ်ရှိတဲ့  ဝထ္ထှုမှာ - ဒြပ်ထုတန်ဖိုး ၁ ကီလိုဂရမ်ရှိတယ်။
အဲဒီဝထ္ထုကို    လပေါ်မှာ သွားချိန်တယ်။အလေးချိန်  ၁ဝ ကီလို ဂရမ်မရှိတော့ဘူး။
လျော့နည်းသွားတယ် ။
ဒါပေမယ့်   တွက်ယူလို့ ရမဲ့  ဒြပ်ထုကတော့   မပြောင်းလဲဘဲ  ၁ ကီလိုဂရမ်ဘဲ ရှိနေလိမ့်မယ် ။
ကမ္ဘာပေါ်မှာ -- အလေးချိန် (w)= 10kg        =>  ဒြပ်ထု = 1 kg
လပေါ်မှာ     --အလေးချိန် (w)=….kg          =>   ဒြပ်ထု = 1 kg
ဒြပ်ထုတန်ဖိုး   ပြောင်းလဲ မသွားတာကို  တွေ့ရတယ် ။အဲဒီတော့   m=w/g ဆိုတဲ့  နယူတန်
၏  ညီမျှခြင်း  သီအိုရီတခုနဲ့   တွက်ချက်ဖြေရှင်းခဲ့တာ အလေးချိန်နဲ့   ဒြပ်ထုဆိုတာကို  ခွဲခြား
သိမြင်သွားပြီး  အောက်ပါအတိုင်း  ကောက်ချက်ချလိုက်ပါတယ်တဲ့ ။
(၁)m=w/g  အရ   ဒြပ်ထုဆိုတာ  အလေးချိန်၏်  ၁ဝပုံ  တစ်ပုံဘဲ ရှိတယ် ။(g=10ms-2)
(၂)အလေးချိန်ဆိုတာ  ဒြပ်ဆွဲအား   နေရာဒေသပေါ်မှာ  လိုက်ပြီးတော့  တန်ဖိုးပြောင်းလဲမှုရှိ
    နိုင်တယ် ။ ဒါပေမယ့်   ဒြပ်ထုဆိုတာက စကြာဝဠာဘယ်နေရာမှာဘဲ  တွက်တွက်  ပြောင်း
    လဲခြင်းမရှိဘူး။  ( တနည်းအားဖြင့်   ပကတိတန်ဖိုးဟု   ဆိုလိုခြင်းဖြစ်တယ် )ဒြပ်ထုဆိုတာ
    လေဟာနယ်    (ဒြပ်ဆွဲအား  ကင်းလွတ်တဲ့ နေရာ)  မှာ ရှိနေမည့်     ပကတိအလေးချိန်
     ဖြစ်ပါတယ်။“
အထက်ပါ  ကောက်ချက်နှစ်ခုကို  ရရှိပြီးတော့မှ   အလေးချိန်နှင့် ဒြပ်ထုဆိုတာကို  နားလည်
သဘောပေါက်သွားခဲ့ပါတယ် ။တကယ်တော့ အဲလို အချက်တွေကို  ဆရာတချို့ က  ရှင်းပြပေး
မှာ  မဟုတ်ပါဘူး။ စာအုပ်တွေထဲမှာလည်း  ရေးသားကြမှာ  မဟုတ်ပါဘူး ။သမရိုးကျ အတိုင်း
စာသင်ခန်းထဲက  ဆရာပြောပြသလို….  ဖြေရှင်းကြ ၊ ရေးသားကြမှာ ဖြစ်ပါတယ်။စာမေးပွဲဖြေ
နိုင်ဖိ်ု့    စာကိုမကျက်ဘဲ သမရိုးကျ လမ်းကြောင်းကနေခွဲ ထွက်ပြီး  နည်းအမျိုးမျိုး ကြံဆတွေး
ခေါ်ခဲ့တာကြောင့်  အတော်ဆုံး   ကျောင်းသားမဟုတ်ခဲ့တဲ့     ကျောင်းသားတယောက်ဆိုတာ

ဘယ်သူလဲလို့   ပရိတ်သတ် မေးမနေပါနဲ့ တော့ ။ရိပ်မိလောက်မယ်ထင်ပါတယ် ။
        အခုလို  ရှည်ရှည်ဝေးဝေး ရှင်းပြရတဲ့  အကြောင်းကို   ဖီးကျူပြောပြမယ်။အလေးချိန်နဲ့ 
ဒြပ်ထုတို့ ဟာ   ယူနစ်ချင်းတူပေမယ့်  သဘောတရားချင်းမတူပါဘူး ။   ထင်ယောင်ထင်မှား
ဖြစ်သွားမှာ  စိုးလို့ ပါ ။နောက်တခုက   ရူပဗေဒပုစ္ဆာတွေ တွက်ချက်ရာမှာ  မေးခွန်းကိုသေချာ
မဖတ်ဘဲ   kg ကီလိုဂရမ်လို့  တွေ့ ရင်  mass  ဒြပ်ထုဟု  ပုံသေမှတ်ကြခြင်းပါဘဲ။ဆရာတချို့ 
ကလည်း   ပုစ္ဆာအလွယ် တွက်နည်းအဖြစ်  ပေးချက်ကိုရှာတဲ့အခါ  kg ကီလိုဂရမ်ဆိုရင် mass
ဒြပ်ထုဟု  မိုက်မိုက်မဲမဲ   ပုံသေပြောကြလို့ ဖြစ်ပါတယ် ။(ဖီးကျူ မန္တလေးတက္ကသိုလ်မှာ မဟာ
တန်းတက်တော့  အနုမြူစမ်းသပ်ခန်းမှာ  ဒြပ်ထုတိုင်းတဲ့ စက်ရိယာအသစ်တခုတပ်ဆင်ထား
တာကို တွေ့ ခဲ့ ရပါတယ် ။လေဟာနယ်ဖြစ်အောင် အထူးစီမံထားတဲ့ ကိရိယာတခုဖြစ်ပါတယ်။
ပြောရရင်တော့  လှေနံဒါးထစ်  ဖြစ်နေမှာစိုးလို့ပါ။  လှေနံဒါးထစ် ခပ်ပေါ့ပေါ့လုပ်ရင်  ငယ်ငယ်
တုံးက ဖီးကျူ   အဘိုး ပြောခဲ့တာလေးကို   ပြောပြပါအုံးမယ် ။
      ဖီးကျူရဲ့  အဘိုးက လည်း   ရွှေဘိုသားဖြစ်ပါတယ် ။အင်္ဂလိပ်ခေတ်ဦးပိုင်းမှာ  မွေးတာပါ ။
နန်းမြို့ ဟောင်းဆိုတော့ ရွှေဘိုမှာ   ကျူံးပတ်လည်ဝန်းရံထားပါတယ်။အဲဒီခေတ်က ကျူံးကမ်း
ဘေးမှာ  ဒိုဘီကုလားတွေ  အဝတ်လျှော်ကြတယ် ။ကုလားတွေနေတဲ့  ရပ်ကွက်ကို  ဒိုဘီတန်း
ရပ်လို့    ယခုချိန်ထိ  အမည်တွင်နေခဲ့ပါတယ် ။ဆိုတေ့ာ….. တရက်မှာ   ဖီးကျူ       အဘိုးရဲ့ 
အမေပေါ့ဗျာ ။အသက်က ၈ဝ လောက်ရှိဘီဆိုတော့  မျက်စိကမှုန် ၊လက်ကတုန်တဲ့ အရွယ်ပါ။
ဘယ်ကလာ….ဖီးကျူ မွေးဦးမလဲ   ….။ဖီးကျူ  အဖေတောင်   မမွေးသေးဘူးဗျ ။အဲ တနေ့ မှာ
အဘိုးတို့  အလုပ်သွားနေတုံး  အဘိုးရဲ့ အမေက  အိမ်စောင့်အဖြစ်ကျန်ခဲ့တယ် ။အိမ်မှာလည်း
လျှော်စရာ  အဝတ်တွေများနေတာမို့   လူကြီးဆိုတော့  ဟိုစပ်စပ်ဒီစပ်စပ် လုပ်ချင်တာပေါ့ဗျာ။
အဲဒီ လျှော်စရာ အဝတ်တွေကို   ဒိုဘီကုလားဆီမှာ သွားအပ်ခဲ့တယ်တဲ့ဗျာ ။  နောက်ရက်တွေ
ကျတော့  ဒိုဘီကုလားက လျှော်ပြီးသား အဝတ်တွေ လာမပေးဘူးဗျ။ကိုင်း…ဒီလိုတော့ မဖြစ်ဘူး 
ကိုယ်တိုင်သွားယူမှရတော့မယ်ဆိုပြီး  အဘိုးကပြောပါတယ် ။   အဲတာကြောင့်  အဘိုးက
သူ့ အမေကို  မေးပါတယ် ။ ‘အမေ …အဝတ်တွေ ဘယ်ကုလားဆီမှာ ဒိုဘီအပ်တာ   လဲ’လို့ 
မေးလိုက်ပါတယ်။ အဘိုးရဲ့ အမေကလည်း  မျက်စိကမှုန်ဆိုတော့  ဒိုဘီကုလားကို  သေချာ 
မှတ်လာခဲ့ ပုံရပါတယ်။ “ အဲဒီကျူံးရိုးမှာ…အဝတ်လျှော်နေတဲ့   ပေါင်တံရှည်နဲ့  ကုလားဆီမှာ
အပ်ခဲ့တာပဲ  ..ငါ့သားရယ်လို့ ”ပြောလိုက်ပါတယ်။ ကျူံးရိုးကမ်းစပ်ကို သွားကြည့်တော့ နံငယ်ပိုင်း
ကို   ခါးတောင်းကျိုက်ပြီး   အဝတ်လျှော်နေကြတဲ့   ပေါင်တံရှည် ကုလားတွေ  တသီကြီးရှိ
နေတာကိုတွေ့ ရတော့တာပါပဲ။ အဘိုးရဲ့ အမေက  မျက်စိကမွဲတော့   ဒိုဘီအပ်တဲ့ ကုလားကို
ပေါင်တံရှည်တာပဲ   မှတ်လာခဲ့တာ ။    ဆုံးဘီပေါ့ဗျာ …..အဝတ်တွေ  ။   အဲဒီအချိန်က  စပြီး 
အဘိုးက   နေရာတိုင်းမှာ      ခပ်ပေါ့ပေါ့နဲ့      ပြီးစလွယ်လုပ်ရင်    သားတွေ ၊   မြေးတွေကို
ပြောလေ့ရှိတာကတော့ “ငါ့အမေဒိုဘီအပ်သလို  ပေါင်တံရှည်ကုလားလို့ တော့     မပြောကြနဲ့ 
ဟေ့”လို့  အမြဲပြောပါတယ် ။ဖီးကျူ အဘိုးက  အသက် ၉ဝကျော်( ၂ဝဝ၅ ခုနှစ်) သေတဲ့ အထိ
အဲလို  ပြောဆိုဆုံးမသွားတာပါ….။
           ဆိုလိုတာကတော့   ရူပဗေဒပုစ္ဆာတွေ  ၊သီအိုရီတွေ ဖြေရှင်းရာမှာ  kg ကီလိုဂရမ်ကို
တွေ့ တိုင်း    mass  ဒြပ်ထုလို့   ထင်နေကြမှာ  စိုးလို့ ပါ ။ယူနစ်  ကီလိုဂရမ်သည်   ဒြပ်ထုဖြစ်
နိုင်သလို ။အလေးချိန်လည်း ဖြစ်နိုင်ပါတယ်။ ဒါပေမယ့်  အဲဒီနှစ်ခုဟာ  လုံးဝ(လုံးဝ) မတူညီပါ။
kg ကီလိုဂရမ်ဆိုတဲ့    ယူနစ်သာ တူညီနေ ကြောင်းပါ  ခင်ဗျာ….။
…………………………………………..ဖီးကျူ( ရွှေဘို)…………………………………………………..
ဖီးကျူ(ရွှေဘို)